روشتة مناجاة

 آ ثار المرض ............................... Disease  

لما تعوز يبقالك معـــــــــــنى .... وحياه صافيه الصدق مـــــــــاليها
لما تضيق حولـــــــــــــيك الدنيا .... ويكون قلبك ضايع فـــــــــــــيها
لما تضيع أحـــــــــــلامك منك .... والأيام تدبــــــــــــل أمـــــــــانيها
لما تموت جواك أحاســــيسك .... وبقيت مــــش قــــــــــادر تحييها
لما الناس في المحنه تسيبك .... وتروح مهمـــــــــــــا تنادي عليها
لما جروحك تفضل تنــــــزف .... ومافيش شئ في الكون يداويها
إوعى تروح للناس في الـدنيا ..... هىّ الناس فيه ايه في إيديــــها
سيب الخلق وروح لخالــقهم ..... سيب الأرض وروح لـــباريها

  الدواء...............................................actions

هيخليك إنسان له معــنى.....هيخلـــــــــــيك فعلا إنسان
ياخد قلبك فوق ويـــــــرفرف.....وسط قلوب مليــــانه ايمان
هيخليلك روحـــــــــك تبقى.... أسمى و أقوى من الأحزان
هيخليلك قلـــــــــــبك ثابت.... ولا يستسلم مـهما ان كان
أنا مش هفضل أعد فوايـده..... أصل فوايده فوق الحسبان
بس كفايه أقولك إنك يومها..... هتبقى......... مع الرحمن

التركيب............................................composition

حبة صبر وحبة تـــــــــقوى.. وتدوبهم في الإخـــــــــــلاص
لازم يبقى الصبر في قلبك …ثابت مش مكتوب برصـــــاص
و الأفعال هي اللي تعـــبر....مش شعارات تنقال وخــلاص
وكفايه تعرف مهما الدنيــا.....فضيت حوليك مـ الحــــــراس
لازم تعرف إنـــــــــــنا لينا.....رب مافيش من حكمه خلاص

الجرعه...................................................dose

خد على قد ماتقدر مـــــــــــنّه ....خد مــــا تقولشي إزاي ولا ليه
عوّد عقلك..روحك.. قـــــــلبك.....طول أيامـك يمــــــــــشوا عليه
إوعى تسيب ولا ثـــانيه تعدي .....من غير قلبــــــك ما يعيش بيه
و أن أدمــنته دا شئ من حظك .... طـــــب فيه أجمل من كده ايه؟

التحضيرات..........................................preperations

ركعه في قلب الليل تخفــــيها.... ويّا دمـــــــــــــــوع تبكيها بقلبك
صدقــه ماحدش يبقى شايفها.... علشان تطـــــــــلع خالصه لربك
فرّج كــربة حد في أزمــــــــــــة.... حتى إن صدفة قابلته في دربك
الأعــمال لو حتى بسيــــــــطة..... بس تكون ممـــــــــزوجه بحبك
رب الكـون ده هيقبل مــــــنك..... والأجمل...... ربنا هـــــــــيحبك

الآثار الجانبيه ........................................side effects

كل آثاره انك مـ الفرحـــه....... قلبك ممكن نبضــــــه يزيد
و كمان ممكن تشعر إنك....... جرى في عروقك دم جديد
ممكن وشك يبقى منـور....... باسم وكأن إنـــت في عيد
يعني عيوبه مجرد إنــــك ...... تلقى كيانك كلـــــه سعيد

موانع الإستعمال...............................contra indication

مش ممنوع للدنيا بحــــــالها....... حتى العاصي مــاهوش ممنوع
عـمر زمان ومكان ما هيمنع ....... طـول ما في قلبك لسه خشوع
لو جه يوم أخطأت طريقـــــك....... لسه بإيــــــــــــدك تاني رجـوع
دايماً دايماً خليك فاكــــــــــر....... لسه بإيدك تاني رجـــــــــــــوع

منـــــــــــقول